Gleðileg jól og gott og hamingjuríkt komandi ár

Kæru lesendur, vona að þið hafið haft það gott yfir hátíðirnar. Ég er amk búin að hafa það mjög gott, bæði í vinnu og heima. Það er nóg að gera í húsbyggingum hjá mínum heittelskaða eiginmanni og ég reyni að hjálpa með því sem ég get.

Vona að þið eigið eftir að hafa það gott um áramótin og hlakka til að hitta alla hressa og káta á nýju ári. Elskurnar mínar, það á eftir að verða gott ár og veita ykkur hamingju og gleði ef þið bara eltið hjartað í ykkur.

Njótið lífsins því það er yndislegt....

kveðja ykkar Helga
myndir á www.familieeck.blogspot.com

Hvaða bloggleti er þetta

Maður má þakka fyrir að vinkonur kommenti þrátt fyrir ómælda leti í mér. Takk stelpur, ég treysti á ykkur.

En Silja það er rétt hjá þér, það er sko nóg að gera hjá manni hér á Akranesi. Ég tek líka virkan þátt í því sem er að gerast í kringum mig þannig að ég er í hinum ýmsu vinaklúbbum sem bæði hafa lengi verið starfræktir og svo sem nýbúið er að koma á stofn. Svo fór ég nú á bæjarstjórnarfundi sl. bara sem áhreyrnarfulltrúi svo að það sé á hreinu. Ég er enn ekki búin að skrifa mig í neinn flokk en það er örugglega margt vitlausara en að festa sig í flokk á Íslandi þar sem smáborgarapólitík er enn stór hluti af þeirri stjórnmálastefnu sem ríkir. Þannig að maður þekkir mann sem þekkir mann og getur reddað hlutunum. Ekki orð um það meir. Nema að mér finnst auðvitað um að gera að nota slík tengsl.

En á Akranesi er mikil uppsveifla, það kom fram á bæjarstjórnarfundi að 40-50 manns hafa flutt til Akraness síðan í júní, á hverjum mánuði. Fjölgun bæjarbúa er mest á landinu hér að frátöldum Reykjanesbæ en þangað fluttu 670 nemendur á einu bretti í sept. Nýtt tónlistaskólahúsnæði var tekið í notkun fyrir stuttu. Hingað er komin krónan og bónus og verið er að byggja nýjan leikskóla og fleiri hundruð íbúðir eru í byggingu á Skaganum. Ekki mundi það furða mig ef aukið væri við stöðugildum hjúkrunarfræðinga á byggðarsvæðinu þar sem mikið álag er og skortur að mati hjúkrunarfræðinga í vinnu á sjúkrahúsinu svo ekki sé annað sagt.

En það er einmitt vandi að fá aukið við stöðugildum, eins fyrir Kennara, það eru mörk fyrir það hve mörg börn mega vera í bekk en þegar nánast annað hvert barn á orðið við vandamál að stríða er auðvitað spursmál hve mikið á að leggja á bæði kennara og samnemendur. Eins með hjúkrunarfræðinga, sjúklingum er ekki neitaður aðgangur að heilbrigðisstofnunum, nei komdu í næstu viku, þá er rólegra og þá getum við betur sinnt þér. Þannig að kannski er fólk ekki að fá þá þjónustu innan heilbrigðiskerfisins sem við viljum veita. Hitamál fyrir okkur hjúkrunarfræðinga og eins og undanfarið hefur nokkuð borið á umræðum í morgunblaðinu um það hve mikið vinna hjúkrunarfræðinga hefur breyst, það er þá helst, hvað hefur mikið bæst við störf þeirra. Alltaf verið að bæta við...

Jæja ég ætlaði mér nú ekki að hafa þetta hápólítískt hér en langar að nota tækifærið og óska Kiddu og Ínu innilega til hamingju með stóra strákinn sem fæddist á laugardaginn og var mjög stór, 53 cm og rúmir 15 merkur. Til lukku elskurnar, fæðingin var líka mjög góð og hægt er að nálgast myndir og nánari upplýsingar á www.rokkfamily.net einnig langar mig að óska Gunnari Sturlu og Chrisel vinum mínum alls hins besta fyrir flutningana á Íslandi. Vonandi fá þau óskahúsnæði og góðar vinnur. Hlakka til að fá ykkur,
læt þetta duga í bili...
kíkið líka á fjölskyldumyndirnar okkar á www.familieeck.blogspot.com
kveðja Helga

Áfram Akranes

Lífið heldur áfram sinn vanagang. Nína er byrjuð í skólanum, minn skóli byrjar í næstu viku og allir voða duglegir á heimilinu. Alex er mjög upptekinn í vinnunni og hefur lítið unnið í húsinu í ca viku en nú fer allt að rúlla að nýju. Strákarnir eru að vinna núna, nema Atli sem er í hálfgerðu veikindafríi. Það á svo að bruna í Dæli í smá helgarferð með hjúkkubrunch vinkonunum mínum, en þetta er árleg ferð sem hópurinn fer í með fjölskyldum sínum. Gaman gaman....

Sperrugill

Þá eru sperrurnar komnar allar saman og síðasta steypan búin að renna í mótin. Alveg stórglæsilegt hvað þetta er fljótt að gerast og allt að renna saman hjá okkur Alex. Hann er búin að standa sig eins og hetja eins og Óli bróðir, algjör draumur í dós og Atli sem er búin að fórna sér líka fyrir okkur eins og Óli og svo síðast en ekki síst Þórður sem hefur reynst okkur mjög vel. Í gær voru nokkrir góðkunningjar samankomnir til að halda upp á þennan merka áfanga hjá okkur, ég bara minni á myndasíðuna okkar á www.familieeck.blogspot.com nú verður andað í nokkra daga áður en allar spýturnar verða rifnar niður til að setja ofaná þakið.

Best að fara á kvöldvakt
knús og kram
Helga Húseigandi

Steypa og Nína í fríi.

Algjör steypa kom kl.9 í morgun og nú er semsagt búið að setja steypu í rúml. hálfa veggina, upp fyrir gluggana. Allt að gerast, myndir koma innan skamms.

Nína hélt í stórferð í morgun, hún flaug til Þýskalands kl.7:25 og verður þar í þrjár og hálfa viku, ferðast norður og suður með lest til að heimsækja og vera með vinum og ættingjum sínum þar. Hún var spennt eins og grjón í morgun eins og gefur að skilja en er komin í lestina til Hannover og allt gengið vel hingað til. Afi hennar náði í hana og kom henni af stað í lestina, ekki amalegt að hafa svona góða að sem leiða mann áfram. Hún er mjög sjálfstæð og er orðin svo stór að hún hefur bara gaman af þessu. ÉG er bara spennt að fá hana aftur heim og hún er nýfarin.....

Mamma og Þórður komu í gær heim eftir árs dvöl í Kaupmannahöfn, það er yndislegt að fá þau heim og geta knúsað tímunum saman....

Lífið og tilveran

Það er naumast mikið að gera hjá sumum. Ég er bara ánægð ef ég kemst til ömmu Lillu eins og þrisvar í viku eins og dagskráin er hjá mér þessa dagana. En það er bara gott af því að segja að hafa nóg á milli handanna. Ég á auðvitað við nóg að gera, ekki endilega nóg af peningum. Hihi...

Nú eru nýjustu fréttirnar þær að Balthasar er orðinn eins árs og byrjaður að ganga. Hann sleppti takinu þremur dögum eftir afmæli sitt sem var 13. júlí og byrjaði að ganga 16. júlí. Alveg svakalega flottur strákur. Lyftir mjöðminni vel með þegar hann gengur, bara krútt.

Svo var verið að steypa í dag, platan komin sem þýðir bara afsal og lán á næstu dögum JEss....

Annars er alltaf gaman að fá fólk í heimsókn og búið að vera erilsamt hjá okkur nú upp á síðkastið síðan við komum heim. Mikil vinna á einum hluta fjölskyldunnar sem vinnur baki brotnu í því að reisa hýbíli okkar. Glæsilegt það en það er nú alveg ómetanlegt að hafa ástvini sína nálægt sér þótt að það sé líka söknuður til Þýskalands í mér.

Þórunn og familý eru nú komin til landsins, til lukku með það, ég hlakka til að hitta ykkur. Svala ég er búin að reyna að ná í þig, komdu í kaffi elskan. Inga Björk Hafliðad. þú lætur mig nú heyra í þér hvernig dagskráin er, ekkert mál að skreppa til Rvíkur til að hitta þig. Heiðrún já það var ansi leiðinlegt að hitta ykkur ekki, vona að við verðum ofarlega á stefnuskránni næst....

Anna B. bíð spennt eftir fregnum elskan!!!
nú svo bara þið vitið, Maza, Frú Sigríður og Mr.Sveinson að kveðja Danaveldi og búa sig undir kommúnulífið á Jörundarholtinu, ég hlakka mikið til að fá hana mömmu og vinkonu mína heim. Höfuð fjölskyldunnar, mikið búið að vanta þegar hún er ekki heima. En það er semsagt um svipað leiti og Nína krútt fer í þriggja og hálfs vikna reisu til Þýskalands sem þau hjúin koma á Skagann.

Gvöð hvað þetta er orðið langt, góða nótt elskurnar og kvitta svo....

Balthasar úti að labba

Balthasar

Gleðilega þjóðhátíð

elsku vinir og lesendur gleðilega þjóðhátíð

við áttum elskulegan og ánægjulegan dag í dag með vinum og fjölskyldu. Vorum lengi á safnarsvæðinu og skemmtun okkur vel þar, fórum á langó og böðuðum fæturna, horfðum á skrúðgöngu og fórum í partý í íþróttahúsinu. Vel lukkaður dagur.

Alex var duglegastur í dag og vann mikið í húsinu, set hér inn nokkrar myndir....

ykkar sólbrennda
Helga

Hátíð hafsins

Ég vil byrja á því að óska Brekkuskessunum til hamingju með yfirburða sigur í kappróðri, það var yfirburðarsigur í þeirra flokki en þær voru einar í flokki HAHAHAHA.... geggjað stuð....

ÉG fór með mín börn og hitti Önnu Björk og Daniel og þeirra börn. Þarna voru margt um manninn og margir sem maður hitti og þekkti en það var að margra mati ekki nægilega góð mæting í 6000 manna bæjarfélagi. Þar voru pulsur og svali fyrir svanga gesti og hin besta skemmtun. Gamla Akraborgin kom í heimsókn og það var hægt að fara þangað í heimsókn og skoða, algjör perla en eins og Hannibal hennar Eyglóar sagði þá fannst manni hún alltaf vera stærri í minningunni. SVo kom björgunarþyrlan á svæðið og bjargaði manni úr sjónum. Það var gaman að sjá það. Við skelltum okkur svo í frábært kaffi slysavarnafélagskvenna í Jónsbúð og átum þar á okkur gat af glæstum kræsingum. Síðan héldum við heim á leið eftir 4 tíma útiveru og heyrðum rétt í honum Ragga Bjarna meistara tónlistarinnar taka létta slagara á pallbílnum. Alveg draumur....

Í dag koma svo ættbörn Helga Júl og Huldu í kaffi til okkar. Ætli við verðum ekki 20 hér í kaffi þegar allir eru mættir en ég hlakka mikið til. Við sjáum til hvort við skreppum ekki í Garðalund og kíkjum í kirkjugarðinn og á lóðina.

Á lóðinni er bara bið eins og er, þarf að slétta meira áður en grunnurinn verður gerður en vonandi næst það um næstu helgi. Spennandi....

Síðasti skóladagur hjá Nínu er á morgun og svo er hún komin í frí þessi elska.

ÉG heyrði aðeins í mömmu og Þórði í gær, bara fínt að frétta frá Ærö, gott veður og gaman á hátíð harmónikkuleikara.

Jæja best að fara að undirbúa, ég bið ykkur vel að lifa og þar til næst
Helga

Til hamingju Þóra

Hún á afmæli í dag, hún er 27 ára hún Þóra systir, hún á afmæli í dag.

Elsku Þóra innilegar hamingjuóskir í tilefni af afmæli þínu í dag, vona að það hafi verið tekið vel á móti þér í vinnunni og að dagurinn eigi í alla staði eftir að verða ánægjulegur og eftirminnilegur. Við óskum þér bjartrar framtíðar, frama í starfi og lífsánægju. Það eru spennandi tímar framundan, útskrift úr Háskólanum í júní og svo bara allar dyr opnar þér elsku systir. Lifðu heil.....

Ég ætla aðeins að segja ykkur frá skemmtilegri uppákomu um helgina. Við fengum óvænta gesti til Þóru á laugardagskvöld er hún bauð í útskriftar og afmælisboð. það var yndislegur matur, úrbeinað lambakjöt á grilli og allt bara í jollý. Haldiði ekki að mamma og Þórður hafi komið í smá óvænta heimsókn til Íslands yfir helgina. Alveg frábært surprise. Þau eru búin að vera á fullu síðan þau komu að hitta vini og ættingja, elda og þrífa. Já svona eru þau.. EN það er búið að vera æðislegt að hafa þau hér, amk finnst mér það. Það verður gaman að fá þau alveg heim í sumar.

Nú við skruppum í bústað til Önnu og Ragnars, það var æðislega notalegt, borðað grillkjöt og salta og grænmeti, alveg nóg af öllu. Gaman að fara alltaf í matarboð.

Jæja nú ætla ég að skreppast með mömmu og Þórð uppá flugvöll, við ætlum að hitta Þóru í hádeginu áður og fá okkur kaffi saman.

bið að heilsa í bili
knús og kram
ykkar Helga

Takk fyrir síðast

Það er alveg ómetanlegt að hafa góða í kring um sig. Ég þakka fyrir mig elsku vinkonur, það var yndislegt að hitta ykkur á Akranesi. Í dag skrapp ég svo í bæinn og borðaði morgunmat með Þóru systur minni sem er búinn að fá æðisgengna einkunn fyrir lokaverkefnið sitt og er þar með að útskrifast úr HÍ úr Ísl. í júní. Um helgina förum við svo til hennar í smá hóf til að fagna þessum áfanga. Gaman að þessu öllu saman.... Svo fórum við í smá verslunarleiðangur í kringlunni og á laugarveginum og enduðum á því að kaupa fínar sumargjafir fyrir krakkana og skó fyrir Balthasar. Svo fórum við í kaffi til Önnu Siggu og krakkarnir voru voða fínir saman að leika sér.

Nú það er margt um að vera hjá okkur þessa dagana. Við erum á fullu í sambandi við lóðina og allt í kringum húsið, lánveitingu, tryggingar fyrir bílinn, tolla bílinn og svo er stuðstund í næstu viku. Stefnum á að kíkja í heimsókn í sumarbústað á sunnud. og á mándu. er svo frídagur þannig að þetta verður yndisleg helgi. Nína á ekki langt eftir í sumarfrí þessi elska, hún er á fullu að plana þýskalandsför í sumar, vill heimsækja vini og vandamenn, æðislegt stuð.

jæja ég læt heyra í mér bráðum, er farin á vit drauma....

Gámur

Gámurinn er kominn og tæmdur.

Hann kom í dag um kl.14. Hér með okkur biðu Svenni og Bogga, Valli, Arnar vinur Atla, Atli og Alex ásamt mér og Balthasar. Bogga sá um börnin og hinir voru að hjálpa með að raða úr gámnum, raða inn í bílskúr, setja á bretti, laga til og svo framvegis. Óli kom svo líka þessi dúlla, fékk líka frí í vinnunni eins og Atli og Alex til að stússast í þessu.

Fyrst kom gámurinn og svo stuttu síðar kom Tollurinn, þrír starfsmenn, einkennisklæddir og til í að gáma góssið sem við vorum að smygla til landsins. Þeir voru mjög alvarlegir í fyrstu og tilkynntu okkur á hátíðlegan hátt að okkur væri enn fært að tilkynna einhverja hluti sem við væru í gámnum og ekki gefnir upp! Nei það er ekkert, þetta er bara búslóðin sagði ég frökk. Ekki það að hjartað hafi ekki hoppað í nokkra aukahringi en það gerir það nú við minna rask. Amk þá voru þetta orðnir mínir ágætustu vinir að lokinni tollskoðuninni og kvöddum við í góðu og hver veit nema þau flytjist búferlum til Akranes einhvern góðan daginn.....

Allt verður gott!!!!

Svo var vinnufundur kl.16 og var hann til að ganga sex. Kl. 19 byrjaði svo skólaskemmtun um víkingana hjá Nínu. Ég og Balthasar fórum til að fylgjast með. Nína var búin að útbúa powerpoint sýningu og las upp í mikrofon, rosalega flott hjá henni. Ég var ekki búin að lesa yfir þannig að það voru nokkrar stafsetningavillur í þessu hjá henni en glæsilegt framtak.....
Nú og svo er bara dagur að kveldi kominn þrátt fyrir að það sé enn bjart úti og kl. að ganga miðnættti.....

Svo á að þjöppumæla á morgun, vonandi bara gott þar líka....

þreytuknús
HElga

Hjálp

Hæ hæ,

í gær átti ég afmæli, takk fyrir kveðjurnar, þetta varð hinn skemmtilegasti dagur, fékk fullt af gjöfum og fullt af heimsóknum, takk fyrir þetta allt kæru vinir og fjölskylda, þið eruð yndisleg.

Hjálp... við vorum að senda bílinn okkar með Eimskip til landsins og í bílnum voru hlutir sem Alex þurfti að nota úti eftir að gámurinn fór og hlutir sem hann taldi sig þurfa hér áður en gámurinn kæmist í okkar hendur. Alex fór í vikunni að sækja bílinn og viti menn, það var búið að hreinsa bílinn af þessum fínu hlutum. Vantaði keppnishjólið hans, tvær borvélar og eitthvað fleira.....
HVAÐ ER Í GANGI..... Við ætlum sko ekki að láta þetta yfir okkur ganga, það virðist vera sem að í kring um flutninga sé skipulögð glæpastarfsemi, bílar séu opnaðir af starfsmönnum Eimskip með lyklum og hlutir sem verðmætir eru teknir út! HALLOOOOO Mikil sorg og reiði ríkir á heimilinu þess vegna þessa dagana og sérstaklega hjálparleysi, vonleysi og bara ótrúlega mikil furðan. Hvernig getur svona lagað gerst. Það er ekki trygging fyrir skemmdum af völdum veðra á sjó sem maður þarf að tryggja sig gegn heldur gegn þjófnaði starfsmannanna!!! Hvaða trygging bíður upp á tryggingu við þjófnaði sem er gerður með bíllyklinum? Fáránlegt. Sem betur fer á ég góða frændur innan Eimskips sem vonandi geta kippt þessu í liðinn, bætt okkur hlutina eða já bara fundið hlutina! Kannski hefur einhver tekið hlutina í misgripum úr bílnum okkar sem var læstur í gámi á leið yfir hafið? Eða einhver tekið hlutina því þeir mundu annars hristast svo mikið og skemma bílinn á sjó en eiginlega er það í skilmálum að flytjandi taki ábyrgð á því að hlutir séu rétt pakkaðir og því ekki starfsmannanna að ganga í læstar hirslur og raða fyrir mann. Nú og svo er það næsta áfall.... Maður borgar jú flutning á bíl, en maður þarf að borga aukalega fyrir það sem er í bílnum, það sem flyst í bílnum.... hvernig stendur á því að maður þurfi að borga fyrir flutning á t.d. kassanum sem maður ætlar að senda og líka fyrir innihaldinu í kassanum, kommon!!! Er einhver að grínast í okkur..... Það liggur við að maður fari bara aftur til Þýskalands.....En sem betur fer eigum við góðfélaga sem vonandi ná að hjálpa okkur. Takk fyrir það,

Er þetta ekki efni í stórfrétt í fréttablöðum landsins????

hitt og þetta

Nú er aftur kominn mánudagur með öllum sínum kostum og göllum. Ég er glöð. Ég er ótrúlega ánægð með helgina, afkastaði miklu í garðinum sem lítur mjög vel út núna, á bara eftir að fara með fjóra eða fimm ruslapoka fulla af laufblöðum, illgresi og strjágreinum. Segið svo að maður sé ekki duglegur.

Alex tók til í bílskúrnum og ég og Atli stóðum yfir honum og vorum alltaf að segja honum að hann mætti ekki henda neinu þannig að hann var farin að setja ruslið í skápana sem tóku nú við miklu. Hann henti bara ruslinu, engu öðru og bílskúrinn er svo vel tiltekin að mamma og Þórður þið trúið þessu ekki, það liggur við að það sé hægt að koma tveimur bílum fyrir í hann núna.

Í gær fengum við svo góða heimsókn, Anna Sigga og Ragnar Stefán komu með Heklu krútt í heimsókn og svo komu líka Óli bróðir og Hlynur þannig að úr varð hin besta skemmtun. Krakkarnir og Óli fóru í sund og við hin í göngutúr í norðvestan gaddi og snjókomu en með sól á köflum. Skoðuðum nýju höllina og lóðina og bara hluta af hinu fallega Akranesi. Skemmtileg helgi.

Í morgun fóru Atli og Alex svo í íþróttir fyrir vinnu, útiæfingu uppi í skógrækt, svakalega hressir þessir drengir. Komu hér heim kl.7 eftir klukkutíma æfingu með adrenalínið á fullu.

ÉG vil nota seinustu orðin til að senda góðri vinkonu styrk og strauma en náin ættingi hennar stendur í stöngu núna og við hugsum til þeirra og vonum að allt gangi vel hjá ykkur elsku vinir. Megi guð vera með ykkur.....

knús og kram
Helga

Gsm Númer

Ég er komin með númer í frelsi á íslandi
8436727

nú er alltaf hægt að ná í mig, nema þegar ég svara ekki, hihi,,,,

knús og kram
Helga